Qıtay “China Huarong International Holdings”nıñ êlekke ğomum mödire Bai Tyanşun 2014-2018 yıllarda proyekt satıp alu häm finans barışlarında 156 million dollardan artıq rişwät alıp, şirkätlärgä uñaylıq täêmin itüdä ğayepläde häm ülem cäzasına xökem itte.
Däwlätkä bäyle media oyışmaları citkergänçä Qıtay däwlät kontrolendäge aldınğı aktivlar belän idarä itüçe şirkätneñ êlekke citäkçesen korrupśiyadä ğayepläp, ülem cäzasına tarttı.
“China Huarong International Holdings” şirkäte, ilbaşı Si Cinpiñ yıllar buyı alıp barğan korrupśiyağa qarşı köräş operaśiyaläreneñ möhim maqsatlarınnan berse ide. Şirkätneñ êlekke başlığı Lai Şayomin 253 million dollarlık rişwät alğanı öçen 2021 yılnıñ ğıynwarında ülem cäzasına xökem itelde.
Başqa şaqtıy “China Huarong International Holdings” citäkçese dä korrupśiya tikşerülärennän uzdı.
Qıtayda korrupśiya arqasında birelüçe ülem cäzaları ğomumän ike yılğa kiçekterü belän birelä, annarı ğomerlek törmä cäzasına äyländerelä. Läkin Baineñ 2024 yılnıñ mayında Täncin şähärendä ber mäxkämä birgän cäzası kiçekterelmäde.
Bai qararğa qarşı çıqtı läkin original qarar fevraldä üz köçendä qaldı.
Qıtaynıñ iñ yuğarı mäxkämäse bulğan Yuğarı xalıq mäxkämäse qararnı qarap çıqqannan soñ rasladı häm “CCTV” beldergänçä Bai ğayepläreneñ bik citdi buluına qarar birde.
“CCTV” xäbärdä mäxkämäneñ tübändäge belderüenä urın birde: “Bai zur külämdä rişwät alğan, ğayebe zur. Monıñ sośial yoğıntısı ayıruça qotoçqıç, däwlät häm xalıq mänfäğatlärenä ğadättän tış zur zıyan kiterelgän.
Bai sişämbe irtäsendä Täncindä yaqın tuğannarı belän küreşkännän soñ ülem cäzasına xökem itelde läkin cäza ısulı turında mäğlümat birelmäde.
Qıtay ülem cäzası statistikaların däwlät sere dip sanıy fäqat keşe xoquqların yaqlaw oyışmaları ildä yıl sayın meñlägän keşeneñ ülem cäzasına tartıluına ışana.
