Sudanda xastaxanägä höcümdä 64 keşeneñ ğomere özelde

Bötendönya sälamätlek saqlaw oyışması ğomum mödire Tedros Adxanom Gebreyesus, Sudanda ber xastaxanägä yasalğan höcümdä 13e bala, kimendä, 64 keşeneñ hälaq buluın belderde.

Gebreyesus “X” platformasında yasağan belderüendä Könçığış Darfur töbäge başqalası Äl-Daeindäge Äl-Daein Mäğarif xastaxanäseneñ utqa totıluın, ülüçelär arasında 13 bala, ike xatın-qız şäfqat tutaşı, ber ir-at tabib häm küp sanda xasta buluın äytte.

Ul monıñ belän bergä suğış waqıtında sälamätlek saqlaw oyışmalarına qarşı höcümnärnärdä hälaq buluçılar sanınıñ 2 meñnän artuın da assızıqladı.

Gebreyesus höcümdä 8 sälämätlek saqlaw xezmätkäre belän bergä 89 keşeneñ yaralanuın açıqladı.

Xastaxanä xezmät kürsätä almaslıq xälgä kilde

Bötendönya sälamätlek saqlaw oyışması comğa könne Äl-Daein Mäğarif xastaxanäsenä yasalğan höcümneñ oyışmanıñ êşçänlegen tuqtatuın häm qalada töp sälämätlek saqlaw xezmätlären özüen citkerde.

Gebreyesus sälämätlek saqlaw oyışmalarına häm xezmätkärlärenä qarşı höcümnärneñ, aşığıç häm köndälek meditsina yärdämenä moxtaç bulğan cämğıyätlär öçen häm qısqa, häm ozın möddätle näticälär tudıruın assızıqladı.

Sudandağı bäreleşneñ kimetelüe, tınıç xalıqnıñ, meditsina xezmätkärläreneñ häm gumanitar yärdäm xezmätkärläreneñ saqlanuı kiräklegen beldergän Gebreyesus, sälämätlek saqlaw xezmätläreneñ berqayçan da nişanğa alınırğa tiyeş tügellegen häm tınıçlıqnıñ iñ yaxşı daru buluın äytte.