Franśiyä xökümäte iyündä ildä täêsirle bulğan êsse hawa dulqını waqıtında ber atnada uzğan yıllarnıñ urtaça kürsätkeçlärenä qarağanda 2 meñnän kübräk “artıq ülem” terkälüen belderde.

Sälamätlek saqlaw ministrı Stephanie Rist matbuğatqa yasağan belderüendä 22nçe iyün atnasında terkälgän ülemnärdä annan aldağı atnağa qarağanda 30%qa artu buluın iskärtep uzdı.

Ministr Rist ildä täêsirle bulğan êsse hawa dulqını arqasında 22-28 iyün könnärendä uzğan yıllarnıñ urtaça kürsätkeçenä qarağanda 2 meñ 25 kübräk ülemneñ terkälüen belderde.

İyün ayında Franśiyädä yaqınça ike atna buyı täêsirle bulğan êsse hawa dulqını transporttan sälamätlekkä, mäğariftän citeşterügä qädär bik küp ölkädä tormışqa tiskäre yoğıntı yasağan, başqala Parijda barı tik 26nçı iyündä genä dä 109 keşe êsselektän häläq bulğan.

İl külämendä yaña êsse hawa dulqınınıñ kiläse atnadan başlap täêsirle buluı kötelä.