Xälebtä “YPG” terrorçı oyışmasına qarşı operatsiyäne Süriyä armiyäse alıp bara
Törkiyä saqlanu ministrlığı Änkaranıñ, Süriyä telägän oçraqta, kiräkle yärdämne täêmin itäçägen äytte.
“YPG” terrorçı oyışmasına qarşı Xälebtä alıp barılğan operatsiyäneñ tulısınça Süriyä armiyäse tarafınnan tormışqa aşırıluı häm waqıygalarnıñ küzätep barıluı belderelde. Törkiyä Milliy Saqlanu Ministrlığı pänceşämbe könne şulay dip açıqladı.
«Süriyäneñ qurqınıçsızlığı — bezneñ qurqınıçsızlığıbız häm waqıygalar yaqınnan küzätep barıla», — dip belderelde ministrlıq.
«İlebez Süriyäneñ berlege häm cir bötenlege nigezendä terrorçı oyışmaları belän köräşne yaqlıy. Törkiyä, Süriyä sorağan oçraqta, kiräkle yardämne täêmin itäçäk».
Terrorçı oyışması “PKK”nıñ Süriyä bülege “YPG/SDF” iseme astında êşçänlek alıp bara.
Süriyä matbuğatı xäbär itüençä, oyışma tönyäq Xälebtäge toraq mäxällälärenä öçençe kön rättän tuptan atuın däwam itte.
Tınıç xalıq yäşägän töbäklärgä höcüm
Tuptan atular “YPG” tarafınnan yasalğan iñ yaña höcümnär ide. Anda, kimendä altı keşe hälak bulğan, 39ı yaralanğan.
Süriyä räsmi zatlarınıñ mäğlümatlarına kürä, höcümnär säbäple 3000nän artıq tınıç xalıq yäşägän cirlärennän kitärgä mäçbür bula.
Zolım Xälep töbäge idaräsen pänceşämbe könne şähärdäge däwlät häm şäxsi mäktäplärdä, şulay uq, universitetlarda däreslärne tuqtatıp toru waqıtın ozaytırğa mäçbür itte.
2025nçe yılnıñ 10nçı martında Süriyä ilbaşı idaräse “YPG”neñ däwlät oyışmalarına quşıluın küzallawçı kileşü imzalanuın; ilneñ cir bötenlegeneñ yañadan raslanuın häm bülü omtılışlarınıñ kire qagıluın iğlan itkän ide.
Süriyä wäqalätleläre şul waqıttan birle “YPG”neñ kileşü şartların ütäw öçen ber tırışlıq ta kürsätmäwen äytä.
Süriyä xökümäte, 24 yıllıq idarädän soñ 2024 yılnıñ 8 dekabrendä Bäşar Äsäd rejimınıñ bärep töşerelüennän soñ, il külämendä qurqınıçsızlıqnı täêmin itü tırışlıqların köçäytte.