"Ğazzä genośidı waqıtında 100 meñ izraille ildän kitkän"

Tel-Aviv universitetında ütkärelgän ber tikşerenügä kürä 2023 häm 2024 yıllarda yaqınça 950 tabib İzrailne taşlap kitkän. Kire 510 tabib äylänep qaytqan.

İldän kitkän tabiblarnıñ öçtän ike öleşe İzrail mediśina fakultetların tämamlağan. Bu kürsätkeç ütkän yıllar belän çağıştırğanda küpkä yuğarıraq.

Tikşerenü İzrail Üzäk statistika byurosı, Yuğarı belem birü şurası, Sälämätlek saqlaw ministrlığı häm Salım idaräse mäğlümatlarına tayanıp, migraśiya, belem alu häm kerem tendenśiyaların analizlıy.

Tikşerenü farazları buyınça 2023 häm 2024 yıllarda barlığı yaqınça 100 meñ İzrail watandaşı ildän kitkän. Bu, här yılğa yaqınça 50 meñ keşe digän süz häm küp yıllıq totrıqlılıqtan soñ zur üzgäreşne kürsätä.

Tikşerenüçelär äytüençä kitüçelär arasında tabiblar, fännär doktorları, uqıtuçı-ğalimnär, injenerlar häm yuğarı keremle keşelär küp.

Näticälär kürsätkänçä, kitkän tabiblarnıñ zur öleşe täcribäle hönär iyäläre bulıp tora.

Tikşerenüdä, bu tendenśiya däwam itsä, il öçen citdi iqtisadi näticälär tuuı turında iskärtelä.

Tikşerenüçelär bu barışnı il öçen "bik zur qurqınıç" dip bäyäläp: "Säyäsi, iqtisadi yäki iminlek belän bäyle östämä şoklar migraśiya külämeneñ kinät häm kiskän räweştä artuına kiterergä mömkin,” – dide.