İran İnqıylab gvardiyase korpusınıñ Qodüs köçläre komandirı, general-mayor İsmail Kaani Ormuz buğazınnan Babelmändäbkä, Farsı qultığınnan Qızıl diñgezgä qadär suzılğan liniyaneñ “qarşılıq frontı”nıñ yaña qurqınıçsızlıq zonası bulaçağın äytte.

Kaani sośial mediadağı yullamasında “qarşılıq frontı”nıñ AQŞ häm İzrailneñ töbäktäge höcümnärenä bergäläp cawap biräçägen belderde.

Yämändä xusilärneñ İzrailgä soñğı höcümnäreneñ waqıtın assızıqlağan Kaani: “Ormuz buğazınnanBabelmändäbkä, Farsı qultığınnan Qızıl diñgezgä qadär suzılğan liniya qarşılıqnıñ yaña qurqınıçsızlıq zonası bulaçaq,” – dide.

Kaani AQŞ häm İzrail höcümnären däwam itsälär, strategik su yullarınıñ “qarşılıq köçläre” tarafınnan yabılaçağın citkerde.