Comğa könne Livannıñ kön’yağı häm könçığışına İzrail berniçä höcüm yasadı dip xäbär itä däwlätkä qarawçı massaküläm mäğlümat çaraları. İzrail armiyase isä, utnı tuqtatu kileşüenä 1 yıl tuluğa qaramastan, däwam itüçe bu höcümnärneñ “Xizbullah” obyektlarına yünältüen belderde.

Livannıñ räsmi Milli Xäbär agentlığı (NNA) çikkä yaqınça 30 çaqrım yıraqlıqqa qadär kilep citüçe häm distälägän urında höcümnär buluın xäbär itä.

İzrail, 2024nçe yılnıñ noyabrendä ğamälgä kergän utnı tuqtatu kileşüenä qaramastan, Livanğa höcümnären däwam itä. Bu kileşü “Xizbullah” belän ber yıldan artıq däwam itkän kiyerenkeleklärne tögällärgä tiyeş ide. İzrail, şulay uq, strategik dip sanaluçı biş töbäktä ğaskärlären äle haman tota.

İzrail armiyäse üz belderüendä xärbi köçläreneñ “Xizbullah”nıñ saylanğan “Radwan köçe” äğzaları şöğıllänä häm östämä künekmälär ala torğan kompleksqa höcüm itüen alğa sörä.

Älege belderügä qarağanda, armiyä, şulay uq, Livannıñ kön’yağında berniçä töbäktä “Xizbullah”nıñ başqa xärbi infrastrukturasına ut açqan.