Awrupa–Urta diñgez seysmologiya üzäge Äfğanstannıñ Hindukuş töbägendä bulğan köçle cir teträwneñ başqala Qabulda, şulay uq kürşe Paqıstanda häm Hindstan idaräsendäge Käşmirdä dä sizelüen açıqladı.

Paqıstannıñ tön’yağındağı Xayber - Paxtunxva provinśiyäseneñ Swat töbägendä yäşäwçelär şimbä könne cir teträwdän soñ keşelärneñ panikağa birelep öylärennän çığuın belderde.

Paqıstan Meteorologiya idaräse cirteträwneñ üzäge Äfğanstannıñ Hindukuş töbäge dip xäbär itte.

Zilzilä Paqıstan başqalası İslamabadta, könçığıştağı Päncap belän Äfğanstan belän çiktäş Xayber - Paxtunxva provinśiyälärendä, şulay uq Paqıstan idaräsendäge Käşmirdä dä sizelde.

Berençe mäğlümatlarğa qarağanda, cir teträwdä hälaq buluçılar yäki yaralanuçılar yuq.

Swatta yäşäwçe ber keşe: “Monda cirteträw bik köçle ide häm ozaq däwam itte. Keşelär öylärennän çıqtı, xatın-qızlar häm balalar panikağa birelep yıladılar”, — dide.

Awrupa–Urta diñgez seysmologiya üzäge cirteträwneñ zurlığın 6 ball, tiränlegen isä 100 kilometr dip belderde.

AQŞ Geologik tikşerenülär üzäge isä anıñ zurlığın 6,1 ball dip bäyäläde.

Awrupa–Urta diñgez seysmologiya üzäge mäğlümatına qarağanda, şimbä irtäsendä Paqıstanda 5,4 ball zurlığında başqa ber cirteträw dä bulğan.