Rusiyä transport ministrlığı Urta diñgezdä sıyıqlandırılğan tabiğıy gaz (LNG) tankeri “Arctic Metagaz”ğa Ukrainağa qarawçı diñgez dronnarınıñ höcüm itüen alğa sörä.

Waqıyğa raslanğan oçraqta, bu Ukrainanıñ Rusiyä LNG tankerına höcüm itkän berençe oçrağı bulaçaq.

Ukraina qurqınıçsızlıq xezmäte isä bu turıdağı sorawlarğa cawap birmäde.

Ukraina yış qına Rusiyä neft obyektların häm başqa ênergiyä asqormaların maqsat itep ala.

Rusiyä transport ministrlığı köymädäge 30 êkipaj äğzasınıñ barısınıñ da Rusiyä watandaşları buluın häm alarnıñ iminlektä ikänlegen belderde.

'Diñgez piratları'

Ministrlıq belderüendä: 'Bu xälne xalıqara terrorçılıq häm diñgez piratlığı aktı dip bäyälibez, bu xalıqara diñgez xoquqınıñ töp normaların awır räweştä bozu',- dip äytelde.

Ministrlıq Murmansktan yök taşuçı köymäneñ Malta xalıqara sularına yaqın töbäktä höcümgä duçar buluın belderde häm Malta qotqaru xezmätlärenä räxmät äytte.

Ministrlıq mäğlümatlarına qaraganda, Ukraina diñgez dronnarı höcümne Livan yarlarınnan başqarğan.