“İlbaşın irekkä cibäregez”
Maduro yaqlılar Karakasta miting ütkärep, anı azat itüne soradılar.
Bärep töşerelgän däwlät başlığı Nikolas Maduronı yaqlağan yaqınça 2000 keşe yäkşämbe könne Karakasta rizasızlıq belderü çarası ütkärdelär häm Amerika köçläre tarafınnn totqarlanıp törmägä kiterelgän Maduro häm anıñ xatının irekkä cibärüne taläp ittelär.
Protest çarasında qızıl, zäñgär häm sarı töslärdäge Venesuêla bayraqları kütärgän Maduro yaqlı xärbi köçlär häm motośiklçılar törkeme dä qatnaştı.
Maduronıñ ostazı, märhüm lider Ugo Çavesnıñ räsemen totqan qızıl külmäkle ir -at “İlbaşıbıznı irekkä cibäregez” digän plakat kütärde.
Protestçılar AQŞ ilbaşı Donal’d Trampnıñ şimbä könne Vaşingtonnıñ bilgesez küçeş çorında Venesuêlanı idara itäçäge turındağı süzlärenä cawap itep, ”Venesuêla beräwneñ dä koloniyäse tügel” dip yazılğan plakatlar kütärdelär.
Maduro düşämbe könne N’yu-Yorkta AQŞqa qarata kokain kontrabandası belän bäyläneşle narkoterrorçılıq ğayepläwläre belän mäxkämägä çığa.