Xalıqara Yarlıqaw Oyışması İzrail genośidınıñ sälämätlek saqlaw xezmätläre, sıyınu urınnarı, azıq-tölekkä ireşüne yuqqa çığaruı häm keşe däräcäsen töşerüe arqasında Ğazzädäge fälästinle xatın-qızlar häm qız balalarnıñ tormışlarına qurqınıç tudıra torğan zıyannar belän oçraşuın belderde.
Keşe xoquqların yaqlaw oyışması yasağan açıqlawğa kürä, soñğı 29 ay buyı däwam itkän genośid suğışı Ğazzädäge xatın-qızlar öçen daimi küçenügä, bala tabu häm äni keşe sälämätlege xezmätläreneñ yuqqa çığuına, yaman şeşne dä kertep xronik awırularnı däwalawnıñ tuqtaluına häm açlıq, xastalıq, imin bulmağan yäşäw şartlarına duçar qaluğa kiterde.
Xalıqara Yarlıqaw Oyışmasınıñ ğomum särqätibe Anyes Kallamar: "Ğazzädäge xatın-qızlar imin räweştä yäşäw häm bala tudıru öçen kiräk bulğan şartlardan mäxrüm," - dide.
Oyışma İzrailneñ gumanitar yärdämneñ töbäkkä kerüenä qomaçawlawınıñ bu zararlarnı tağın da arttıruın belderde.
Xalıqara Yarlıqaw Oyışması, xatın-qızlarnıñ citärle mediśina yärdäme kürmiçä bala tudırırğa mäcbür qaluların häm keşe küp bulğan, sawlıqqa zıyanlı sıyınu urınnarında, çit keşelär yanında terelep yatuların äytte.
Törkem, okkupasiyä astındağı Könçığış Qodüsne dä kertep, yaw astındağı Fälästin cirlärendä Bäysez tikşerü komissiäseneñ 2025 nçe yılğı mart xisabına sıltama yasap, İzrail räsmi zatlarınıñ Ğazzäneñ bala tudıru (reproduktiv) sälamätlege sistemasın sistematik räweştä häm belä torıp yuqqa çığaruın citkerde.
Xalıqara Yarlıqaw Oyışması beldergänçä, komissiya bu gämällärneñ Genośid kileşüe qısalarında tıyılğan xäräkätlärgä turı kilüen äytte.
Bötendönya sälamätlek oyışması häm sälamätlek saqlaw törkemnärenä kürä Ğazzädäge sälamätlek saqlaw xezmäte urınnarınıñ 60%ı diyärlek disfunkśional xäldä.
