İzrail räsmi zatları yaqınlaşuçı Ramazan ayı däwamında möselmannarnıñ “Äl-Aqsa” mäçetenä ğıybädät öçen kerüen çiklärgä niyätli.

Bu xaqta yaw astındağı Könçığış Qodüsneñ êlekke başmöftiye häm tanılğan möselman ğalime “Anadolu” agentlığına birgän intervyusında äytte.

Könçığış Qodüsnıñ êlekke başmöftiye häm Qodüs Yuğarı İslam şurası başlığı Şäyex Äkrima Sabri Ramazan ayında möselmannarnıñ öçençe izge mäçetenä kerüne çikläw planına borçıluın belderde.

İzrailneñ niyätläre, ğinwar ayınıñ berençe atnasında yaw astındağı Könçığış Qodüsnıñ yaña poliśiya komandirı itep general-leytenant Avşalom Pelednıñ bilgelänüe belän kürenä başladı. Bu adım çiktän tış uñçı Milli qurqınıçsızlıq ministrı Itamar Ben-Gvirneñ kierenkelek tudıra torğan “Äl-Aqsa” plannarın üsterü tırışlığı bularaq bäyälände.

İzrailneñ “Haaretz” gazetı, Ben-Gvirneñ qotqı salu öçen qulınnan kilgänne êşläwe täêsiren tudıruı turında yazdı.

Şäyex Sabri, İzrail räsmiläreneñ bik küp keşegä mäçetkä kerergä röxsät itmäwen häm yaw astındağı Yordannıñ könbatış üzänlegennän kilgän möselmannar öçen Ramazan ayı däwamında çikläwlärne ciñeläytmäyäçäklären iğlan itülären äytte.

Bu xälneñ tağın da qatğıy çikläwlärne añlatuın, “Äl-Aqsa” mäçetendäge ğıybädät qıluçılar sanınıñ uzğan yıllar belän çağıştırğanda kimräk bulaçağın häm monıñ ğıybädät iregenä turı kilmäwen, şulay uq möselmannarnıñ Ramazan ayındağı ğıybadätlärenä täêsir itaçägen belderde.