FIFAdan yasalğan açıqlawğa kürä AQŞ, Kanada häm Meksikada uynalaçaq turnirda 48 taqımnıñ 1248 futbolçısı bilgele buldı.
Açıqlawda: "Turnir dönya külämendä borılış noqtası bulıp, härwaqıttan da kübräk ilgä, uyınçığa häm alarnıñ canatarlarına işek aça," - dip äytelde.
357 futbolçı turnirğa kire qayta
Kim digändä ber märtäbä Dönya kubogı sostavında urın alğan 357 uyınçı bu turnirğa da çaqırılğan bulsa, 891 futbolçı bu çarada berençe tapqır üz-üzen kürsätäçäk.
Çarada urın alaçaq iñ olı uyınçı (Şotlandiyale Craig Gordon, 43 yäş häm 162 kön) belän iñ yäş futbolçı (Meksikalı Gilberto Mora, 17 yäş häm 240 kön) arasında 25 yıldan artıq yäş ayırması bar.
Turnirğa 20 yäştän keçkenä 22 uyınçı häm 40 yäştän zurraq 7 futbolçı çaqırıldı.
Dönya kubogında êlegräk çempion bulğan 22 futbolçı da turnirğa kire qayta.
Kabo-Verde Cömhüriyäte, Kyurasao, Ürdün häm Üzbäkstan berençe tapqır qatnaşa
Kabo-Verde Cömhüriyäte, Kyurasao, Ürdün häm Üzbäkstan FIFA Dönya kubogında berençe tapqır qatnaşa.
FIFA Dönya kubogında Portugaliya taqımın 2010 yılda; 2014, 2018 häm 2022 yıllarda İran komandaların äzerlägän Gananıñ portugaliyale trenerı Karlos Keyroş (Carlos Queiroz) Bora Milutinoviçtan soñ ber-ber artlı biş turnirda wazıyfa başqarğan ikençe trener bulaçaq.
Messi, Ronaldo häm Oçoa 6 nçı Dönya kubogında köç sınaşaçaq.
Argentınadan Lionel Messi, Portugaliyaneñ yoldızı Kriştianu Ronaldu häm Meksikanıñ qapqaçısı Gilyermo Oçoa altınçı FIFA Dönya kubogı macarasına äzerlänä.
