Zelenskiy bu xaqta Êstoniya başqalası Tallinda ilbaşı Alar Karis belän bergä ütkärgän matbuğat konferensiyäsendä belderde.

Rusiyä-Ukraina suğışnı tuqtatu tırışlıqlarına kilgändä, Zelenskiy bu atnada AQŞ ilbaşı Donald Trampnıñ Yaqın Könçığış buyınça maxsus wäkile Stiv Vitkoff häm anıñ kiyäwe Jared Kuşner belän telefon aşa söyläşüen iskä töşerde.

Zelenskiy suğışnı tuqtatu öçen kiräkle söyläşülär turında fiker alışuın belderde häm Awrupanıñ da bu protsessta näticäle qatnaşırğa tiyeşlegen assızıqladı.

Zelenskiy bolay dide: "Awrupağa bu söyläşülärdä qarar qabul itü protsesslarında çın häm köçle tawış birergä kiräk. Amerika diplomatik protsesslarda aktiv qatnaşırğa äzer".

Zelenskiy suğışta utnı tuqtatu öçen Rusiyä, Ukraina, AQŞ häm Awrupa liderlar däräcäsendä söyläşülär ütkärergä tiyeş dip belderde häm: "Ni öçen Awrupa? Çönki bez Awrupada, cawap şul. Çönki bu bezneñ cir, bu bezneñ kontinent, häm niçek kenä bulmasın, bez irtägä imin tormış bulacağına ışanırğa tiyeşbez", - dip östäde.

Zelenskiy Frantsiyädä uzacaq G7 sammitı häm Törkiyädä uzacaq NATO sammitınıñ da Ukraina öçen möhim bulacağın bilgeläp ütte häm "bu yılnıñ iyun häm iyul ayları küp närsäne bilgelärgä mömkin", dide.