Törkiyä ir - atlar basketbol komandası YevroBasket 2025 çempionatında Germaniyägä qarşı uynalğan dulqınlandırğıç finalda kömeş medal’ yawladı.
Germaniya Törkiyäne 88–83 isäbe belän ciñep FIBA YevroBasket çempionı buldı.
Berençe çirek 24–22 isäbe belän Germaniya faydasına tämamlansa, Törkiyä ikençe çirektä 24–16 isäbe belän östenlek urnaştırıp köçle cawap qaytardı.
Berençe yartını 46–40 isäbe belän tögällägän Törkiyä cıyılma komandası uynda östenlegen saqlap qaldı.
Ämma öçençe çirektä 26–21 isäbe belän östenlek yañadan Germaniyägä küçte.
FIBA YevroBasket tarixında Germaniya barı tik ikençe tapqır çempion buldı.
Germaniyäneñ iñ zur uñışı 1993 nçe yılda çempion buluı, ä Törkiyäneñ iñ yaxşı näticäse 2001 nçe yılda finalğa çığuı ide.
Greśiya yäkşämbe könne bulğan başqa oçraşuda Finlyandiyäne 92–89 isäbe belän ciñep bronza medal’ yawladı.
