"Xamas" İzrailgä qarşı sankŝiyalär qullanırğa çaqırdı
Törkiyä, Soğud Ğäräbstanı, Misır kebek töbäkneñ möhim köçläre häm Franśiä belän İspaniä İzrailneñ qanunsız ğamällären ğayepläde
“Xamas” sişämbe könne yaw astındağı Yordannıñ könbatış üzänlegendäge kontrolne köçäytüne maqsat itkän yaña İzrail çaraların ğayepläwçe yaqınça 20 däwlätneñ urtaq beldergesen xupladı häm İzrailgä qarşı sankŝiälär qullanırğa çaqırdı.
İzrail bu ayda çiktän tış uñçı ministrlarnıñ yaqlawı belän yaw astındağı Yordannıñ könbatış üzänlegendäge cirlärne "däwlät mölkäte" bularaq terkäw barışın başlatunı häm İzraillelärgä biredän cir satıp alu mömkinlegen birüçe ber törkem täqdimnärne rasladı.
Düşämbe kiçendä Törkiyä, Soğud Ğäräbstanı, Misır kebek töbäkneñ möhim köçläre häm Franśiä belän İspaniä kebek Awrupa däwlätläre dä aralarında bulğan 18 il bu soñğı adımnarı arqasında İzrailne qırıs räweştä tänqıytläde.
Älege däwlätlär bu çaralarnıñ mäydandağı çınbarlıqnı üzgärtügä häm qabul itelmäslek yawlawnı alğa sörügä yünälderelgän açıq ber omtılışnıñ öleşe buluın belderep: “Mondıy ğamällär Fälästin däwläte häm ike däwlätle çişeleşkä qarşı uylanılğan häm turıdan-turı höcüm bulıp tora",- dide.
“Xamas” bu ğayepläwne "xalıqara xoquqnı häm bäyläneşle BMO qararların açıq räweştä bozuçı yawlawnıñ kiñäyü plannarı belän köräştä döres yünäleştäge adım" dip bäyäläde.