Awrupa Berlege Greśiyäne Törkiyä mäs’äläsendä kisätte. Bu kisätüne Awrupa Berlegeneñ  tışqı mönäsäbätlär  häm iminlek säyäsäte yuğarı wäkile Kaja Kallas yasadı.

Greśiyäneñ äydäp baruçı gazetlarınnan “Ta Nea”ğa interv’yu birgän Kallas, Törkiyä belän xezmättäşlek, bigräk tä saqlanu ölkäsendä möhim dip belderde.

Awrupa Berlegeneñ 150 milliard yevrolıq SAFE saqlanu programmasına Törkiyäneñ quşıluına qomaçawlarğa tırışqan Greśiyägä kisätüendä bolay dide:  

“Bez Törkiyä belän mömkin qadär kübräk xezmättäşlek itärgä täqdim itäbez. Saqlanu ölkäsendä Törkiyäneñ SAFEğa quşıla almawı säbäple, äğza däwlätlär Törkiyä belän tağın da yaqınraq xezmättäşlek itärgä omtıla; çönki alarnıñ kübese Törkiyä belän bergä NATOda  häm Törkiyä anda möhim rol’ uynıy”.

Kallas Greśiya gazetınıñ Törkiyäneñ ike Awrupa Berlege ilenä yanawı turındağı provokaśiona sorawına  cawap itep Awrupanıñ Törkiyä belän xezmättäşlekkä, bigräk tä saqlanu ölkäsendä xezmättäşlekkä möxtac buluın äytte. Ul Törkiyäneñ Awrupa qurqınıçsızlıq arxitekturasındağı ähämiyäten assızıqladı.