“Aêroporttağı dron waqıyğası - kritik asqormağa yünältelgän citdi höcüm”
Bu xaqta Daniya prem’yer-ministrı Mette Frederiksen belderde.
Daniya prem’yer-ministrı beldergänçä, Kopengagen aêroportı östendä säğat’lär buyı oçqan serle pilotsız oçu apparatları êlekke kiç aêroportnıñ yabıluına kiterde häm bu waqıyğa kritik infrastrukturağa citdi höcüm buldı.
Prem’yer-ministr Mette Frederiksen: “Bez kiçä tönlä kürgän närsä – Daniyäneñ kritik infrastrukturasına älegä qädär bulğan iñ citdi höcüm”,- dide.
Ul bu xälneñ başqa dron höcümnäre, hawa kiñlegen bozu oçraqları häm Awrupa aêroportlarına qarata kiber höcümnär belän garmoniyäle buluın assızıqladı.
Daniya poliśiyäse dronnarnıñ artında kem toruın belmäwlären, ämma cıyılğan dälillärneñ “kamil operator” buluın kürsätüen citkerde.
Poliśiyä beldergänçä, Kopengagen aêroportı östendä zur dronnar oçırğan keşeneñ yaxşı äzerlekkä iyä buluı kürenä.
Daniya häm Norvegiya başqalalarında oçışlar säyäxät xaosınnan soñ yañadan başlandı.
Kopengagen häm Oslodağı aêroportlar hawa kiñlegendäge bilgesez dronnar säbäp bulğan distälägän oçışnıñ başqa urınnarğa küçerelüe yäisä ğamäldän çığarıluınnan soñ säğat’lär uzğaç yañadan açıldı. Bu xäl meñlägän yulçınıñ plannarın bozdı.
Şulay uq sişämbe kön däwamında säyäxätlärneñ kiçekterelüe kötelä.
Kopengagen poliśiyäse inspektorı Yens Yespersen jurnalistlarğa:
“Dron sanı, alarnıñ zurlığı, oçış räweşläre, aêroport östendä uzdırğan waqıtları... Bolarnıñ barısın isäpkä alıp bäyälängändä kamil operatorğa işarä itä. Läkin qaysı operator buluın belmim”,- dide.
Yespersen düşämbe tönendä Kopengagen aêroportı östendä berniçä zur dron oçuın äytte.