Törkiyä yustitsiya ministrı Aqın Gürläk çit illärdä qaçıp yatuçı "FETO" äğzaların êkstraditsiyaläw protsessı turında möhim mäğlümatlar belän urtaqlaştı.
Ministr Gürläk oyışmanıñ yuğarı çitäkçeläre dip atalğan "aqıl törkeme"nä qarşı êkstraditsiya dokumentlarınıñ yaña dälillär yaqtılığında yañadan qaraluın häm tiyeşle illärgä çibärelüen iğlan itte.
119 ilgä 2950 êkstraditsiya üteneçe
"FETO" häm “PYD” belän köräştä xalıqara yuridik kanallarnıñ aktiv qullanıluın assızıqlap, ministr Gürläk êkstraditsiyaläw protsessları turında tübändäge mäğlümatlar belän urtaqlaştı:
Bügenge köngä qadär Yustitiya ministrlığı tarafınnan 119 ilgä "FETO" häm “PYD” äğzaları bulğan 2765 keşe öçen äzerlängän barlığı 2950 êkstraditsiya üteneçe çibärelde. Bu üteneçlär xalıqara xoquqqa turı kiterep äzerlängän dokumentlardan, şulay uq, terrorçı oyışmalar äğzaları tarafınnan qılıngan çinayätlär turında dälillärdän tora.
Germaniyä häm AQŞqa iñ küp üteneçlär
Êkstraditsiya üteneçläreneñ geografik büleneşenä qaraganda, küpçelege Awrupa illäre häm AQŞqa qarıy. İñ küp êkstraditsiya üteneçlären aluçı öç il: Germaniya - 777 dosye, AQŞ - 728 dosye, Belgiya - 142 dosye.
Yustitiya ministrı Gürläk barlıq êkstraditsiya dosyelarınıñ da centekläp tikşerelüen häm yaña dälillär çıyıluın, ayıruça oyışma çitäkçelegenä yünältelüen belderde.
Gürläk "FETO" xıyanätçelären êkstraditsiyaläw öçen köräşneñ özleksez däwam itüen assızıqladı.
