Süriyäneñ ğaräp xäbär agentlığı “SANA” xärbi ber çığanaqqa tayandırıp birgän xäbärgä kürä Süriyä armiyase Xälebneñ Şäyx Maksud häm Äşräfiyyä mäxällälärendäge “YPG” terror oyışması poziśiyalären bombağa tota başladı.
Bu qatışu, Süriyäneñ sälamätlek saqlaw ministrlığı pänceşämbe könne yasağan belderügä kürä Xälebtä “YPG” höcümnärendä ülgän grajdanlılar sanınıñ 5 kä kütärelüe häm 33 keşeneñ yaralanuı belän başlandı.
“YPG” terror oyışması öç kön rättän şähärdäge toraqlarnı bombalarğa däwam itep, yözlägän garjdanlını öylärennän qaçarğa macbür itte.
“YPG” - “PKK” terror oyışmasınıñ Süriyädäge däwamı.
Törkiyä, AQŞ häm Awrupa berlege tarafınnan terror oyışması bularaq qabul itelüçe “PKK” Törkiyägä qarşı başqarğan höcümnärendä xatın-qızlar, balalar, bäbilär häm olı yäştägelärne dä kertep 40 meñnän artıq keşeneñ ğomeren özde.
“SANA”ğa kürä Xälebtäge höcümnär şähärneñ toraq urınnarına yünälde. Ber snayper Şäyx Maksud mäxälläsendä grajdanlılarnı cäräxätläde.
Süriyäneñ İlbaşı idaräse 2025 yılnıñ 10 mart könne “YPG”neñ däwlät oyışmalarına integraśiyase öçen kileşüneñ imzalanuın citkerde, ilneñ cir bötenlegen rasladı häm härtörle bülenü iniśiativasın kire qaqqan ide.
