Törkiyä Cömhüriyäte İlbaşı idaräseneñ êlemtä başlığı Burhanettin Duran “NSosyal” akkauntınnan Törkiyä belän Soğud Ğäräbstanı arasında transport, logistika häm töbäkara bäyläneş ölkälärendä xezmättäşlek turındağı yazma belän urtaqlaştı.

Duran yazmasında ğasırlar buyı qitğalarnı ber-bersenä totaştırğan säwdä yullarınıñ üzägendä urnaşqan şuşı borınğı cirlärneñ bügen dä töbäkara bäyläneşneñ häm iqtisadi xezmättäşlekneñ köçle aktyorı bulırğa däwam itüen belderde.

Törkiyä belän Soğud Ğäräbstanı arasında transport, logistika häm töbäkara bäyläneş ölkälärendä üseş alğan xezmättäşlekneñ İlbaşı Räcäp Tayyip Ärdoğan bilgelägän küzallawçan diplomatiya añlayışınıñ anıq çağılışı buluına basım yasawçı Duran bolay dip bilgeläp uzdı:

"Uzğan çorlarda śivilizaśiyälärne oçraştırğan yullar bügen yaña transport koridorları belän säwdäne, üseş alunı häm mullıqnı kiläçäkkä alıp bara. Regional krizislar barlıqqa kitergän yaña ixtıyaclarğa turı kiterep qamilläşterelgän alternativ transport yünäleşläre barı tik ike il arasındağı xezmättäşlekne genä tügel, ber ük waqıtta regional totrıqlılıqnı häm iqtisadi özleksezlekne dä nığıta. Törkiyä xörmätle İlbaşıbıznıñ liderlığında ikeyaqlı qazanış, xezmättäşlek häm urtaq üseş nigezendä töbäkara bäyläneşne köçäytüne häm yaña forsat işeklären açarğa däwam itäçäk”.