Suğışnı tuqtatu tırışlıqlarına tuqtalğan Zelenskiy ukrainalı söyläşüçelärneñ irtägä AQŞta bulaçağın iskä töşerde.

Ul Ukraina İlbaşı idaräse ofisı başlığı Kirilo Budanov, İlbaşı idaräse ofisı başlığı urınbasarı Sergey Kisliśa, Tışqı küzläw xezmäte bşlığı Röstäm Umerov häm xalıq ışanıçlısı David Araxamia ilne täqdim itäçäk dip belderde.

Zelenskiy Awrupa wäkillären dä söyläşülärdä qatnaşırlar dip kötä. AQŞtağı söyläşülär ike kön däwam itä ala, dip äytte ul häm: “Soñğı könnärdä Amerika belän öç tapqır küreştem,” - dip östäde.

Zelenskiy Ukraina bularaq diñgez häm ênergetika asqormasına qarağan utnı tuqtatu täqdime östendä êşläwlären äytte.

Rusiyä armiyası soñğı könnärdä ilgä yasağan höcümnärdä, balalar da bulğan şaqtıy ğayepsez keşe ğomeren yuğalttı, dip assızıqladı ilbaşı.

Ul Ukrainanıñ Rusiyädä balalarğa berqayçan da höcüm itmäwen häm itmäyäçägen belderde.

“Läkin baliğ bulğannar tizdän yaña cawap alır. Neçkäleklärne urtaqlaşa almıym,” - dip citkerde ul.

“Yandex”nıñ Ryazan ölkäsendäge mäğlümat üzägenä oyıştırılğan höcümgä dä tuqtalğan däwlät başlığı tübändägeçä däwam itte: “Bez härwaqıt ber ük törle cawap biräbez. Mäğlümat üzäklärenä kilgändä, sez barığız da beläsez, alar (Rusiyä) bezneñ mäğlümat üzäklärenä höcüm itte häm höcümnären däwam itä. Bez dä cawap birdek.”