İzrail mediasında urın alğan xäbärlärgä kürä İzrail Tährannan oyıştırıla alınaçaq höcümnärgä borçılıp, AQŞnıñ İranğa ixtimallı höcümenä qarşı sörän xälendä qalunı däwam itterä.

Däwlät xäbär agentlığı “KAN” düşämbe könne AQŞnıñ İranğa yünälgän xärbi xäräkäte ixtimalı arqasında İzrailneñ ber atnadan artıq sörän xälendä buluın belderde.

Tönyaq komandirı, general-leytenant Rafi Milo "Channel 12" kanalındağı çığışında bolay dide: «Tähran citäkçelege härtörle Amerika höcümenä İzrailne maqsat itep alıp cawap qaytarırğa mömkin. AQŞ köçläre Farsı qultığı töbägendä urnaştırılğan läkin kiläse adım turında tulı açıqlıq yuq.”

Uzğan aynı İranda xökümätkä qarşı protestlar oyıştırılğannan birle Vaşington belän Tähran citäkçelekläre arasındağı kiyerenkelek arttı.

AQŞ mediası “Avraam Linkoln” isemle oçqıç taşuçı köymä häm aña iyärgän öç xärbi köymäneñ comğa könne Oman qultığına taba barğanda Hind okeanına barıp citüen xäbär itte; bu xäl AQŞnıñ İranğa yünälgän ixtimalı höcümgä äzerlek bularaq bäyälänä.

Şimbä könne AQŞ ilbaşı Donald Tramp bu xäbärlärne räsmi räweştä rasladı, ul Vaşington citäkçelegeneñ İrandagı wazğıyätne yaqınnan küzätüen belderde.

AQŞ belän İzrail İrannıñ idarä sistemasına üzgäreş kertergä tırışa. AQŞ xökümäte Tähran mäs’äläsendä xärbi xäräkätne dä kertep, barlıq çaralarnıñ da ixtimal buluın äytä.

İran räsmi zatları härtörle Amerika höcümenä tiz häm kiñ qırlı cawap bireläçäge turında kisätü yasadılar.

İzrail häm İran ber-bersen iñ zur doşman bularaq kürä; alar yıllar buyı sabotaj operaśiyäläre häm kiber höcümnär mäs’äläsendä ber-bersen gäyepläp kilä.