İlläreneñ qorılu yıllığı uñayınnan birelgän bäyräm qısalarında Muğlanıñ Fätxiyä rayonındağı Babadağğa kilgän Qıtay turistları paraplan belän oçuğa zur qızıqsınu kürsätä.

Qıtayda 1–7 oktäbr' könnärendä bulğan “Altın atna” yallarında Törkiyägä kilgän turistlar, Ölüdäniz mäxalläsendäge diñgezdän1965 metr biyeklektä urnaşqan Babadağğa kütärelä häm paraplan belän sikerä.

Pilotlar belän bergä oçuçı turistlar Ölüdänizneñ manzarasına qoşlar küzennän qarıy.

Ölüdänizneñ Paraplan pilotları kooperativınıñ idari şurası äğzası Zafär Şäkärci äytüençä Fäthiyä häm Ölüdäniz - paraplanerizm öçen möhim üzäklär.

Soñğı könnärdä Qıtay turistlarınıñ küp buluın citkergän Zafär Şäkärci: “Babadağdan paraplan belän sikerüçe här keşedän berse - Qıtaydan dip äytä alabız. Qıtay turistları sanı könnän-kön arta bara,” - dip belderde.

Şäkärci oçışlarda iminlek çaralarınıñ kürelüen äytep, paraplan belän oçarğa teläwçelärne çaqırdı.