Braziliyadağı San-Paulu universitetınıñ xayvan totışları belgeçläre aşarğa sorağanda yış miyawlawı belän tanılğan 38 öy pesiye qatnaşında täcribä ütkärgän.
Pesilärgä êçennän aşamlıqnı ala almıy torğan tişekle plastik qap birelgän.
Pesilärneñ bu xälgä cawap itep üz-üzlären totışı ike törle sśenariyda küzätelgän: bersendä bülmädä keşe bulğanda, ikençesendä isä keşe bulmağanda.
Bülmädä keşe bulğan oçraqta pesilärneñ barlığı 86 tapqır miyawlağanı terkälgän, ä üzläre genä qalğanda bu san 20gä qadär kimegän.
Analizlar kürsätkänçä, keşe bulğanda pesilärneñ miyawlaw ixtimalı 16 tapqırdan artıq.
Qaraşların keşe belän rizıq arasında küçergännär
Tikşerenüçelär pesilärneñ miyawlağan waqıtta qaraşların turıdan-turı keşegä yünältülären, şulay uq qaraşlarınıñ aşamlıq salınğan qap belän keşe arasında küçep toruın açıqlagan.
Bülmädä keşe bulmağanda isä pesilärneñ xäräkätsez qalıp, işekkä qarawları küzätelgän.
«Animal Behaviour» jurnalında basılıp çıqqan tikşerenüne ütkärgän Nailä Fukimoto häm anıñ törkeme näticälär miyawlawnıñ oçraqlı cawap qına tügel, ä bilgele auditoriyağä yünältelgän aralaşu qoralı bularaq qullanıluın kürsätä dip belderdelär.
