Qaraqlar pänceşämbe irtäsendä İspaniyäneñ könyaq-könçığışındagı muzeydan Awrupanıñ iñ möhim altın äyberlär kollektsiyälärennän berse bulğan Villena xäzinäseneñ barlıq 66 original äyberen urlağan. Bu xaqta “Cadena SER” cirle yañalıqlar agentlığı xäbär itä.
Cirle politsiya häm jandarmnar pänceşämbe irtäsendä Alikante provintsiyäsendäge Villena muzeyın qamap alğan. Tikşerüçelär dälllär cıyğan häm waqığalarnıñ xronologiyäsen bilgelärgä tırışqan.
“Cadena SER” xäbär itüençä, burlar binanıñ yan yağındagı täräzäne watıp muzeyğa kergän häm tiz arada urlap çıqqannar.
Urlanğan kollektsiyäneñ awırlığı yaqınça 10 kilogramm täşkil itä häm törle äyberlärdän tora, şul isäptän sawıt - sabalar, beläzeklär, altın, kömeş, gäräbä häm timerdän yasalğan bizänü äyberläre. Artefaktlar yaqınça 3000 yıllıq.
Urta diñgezdäge metall êşlänmälärneñ tarixın öyränü öçen töp kollektsiyä dip sanalğan bu artefakt, Gretsiyädäge Mikena patşa qaberlärendä tabılğan xäzinälär belän berrättän, bronza gasırı altın sawıt-sabalarınıñ iñ möhim kollektsiyäläreneñ berse.
