Tönyaq Makedoniya başqalası Skop'yeda "Törek telenä bağışlanğan portretlar" dip ataluçı kürgäzmä açıldı.

Skop'ye şähär muzeyında Xalıqara Balkan universiteti häm Bayburt universiteti xezmättäşlege belän Balkandagı törek mädäni mirasına iğtibar cälep itügä yünältelgän proyekt qısalarında törek tele häm mädäniyatına zur öleş kertkän şäxeslärneñ portretları kürsätelde.

Kürgäzmä Balkandagı törek teleneñ tirän tamırlı tarixın yaqtırta häm mädäni mirasnı saqlaw yağınnan unikal' proyekt bularaq ayırılıp tora.

Üz çıqışında Xalıqara Balkan universiteti rektorı Lütfi Sunar mädäni häm sänğät êşçänlegeneñ möhimlegen assızıqladı häm proyektnıñ mädäni mirasnı saqlawğa öleş kertüen belderde.

Proyekt konsultantı Säyxan Mörtäzani bolay dide: "Balkannar törki dön'yasınıñ tarixi xäterendä möhim urın alıp tora. Balkannarda törek tele häm mädäniyäatı êzlären kürsätü urtaq mädäni mirasıbıznı kiläçäk buınnarğa tapşıru yağınnan bik möhim".

Proyekt koordinatorı Sädat Madän bolay dip belderde: "Törek tele häm mädäniyatına öleş kertkän şäxeslärne berläştergän bu tikşerenüdä bez portretlar sanın 100gä citkerergä omtılabız. Şulay itep, bez törek teleneñ bay tarixın häm bu mirasqa öleş kertkän qıymmätle isemnärne kiñräk kontekstta täqdim itärgä omtılabız".