Ukraina ilbaşı Volodimir Zelenskiy, İrannıñ "Şahid" pilotsız oçqıçlarına qarşı toru öçen Yaqın Könçığışqa Ukrainanıñ 201 anti-dron belgeçeneñ ciberelüen, monnan tış tağın 34 belgeçneñ bu tırışlıqlarğa yärdäm itärgä äzer buluın äytte.

Zelenskiy Angliya parlamentınıñ Vestminster komitet zalında yaqınça 60 xalıq ışanıçlısı aldında yasağan çığışında: "Törkemnärebez xäzerdän ük Berläşkän Ğäräp Ämirlekläre, Qatar, Soğud Ğäräbstanı häm Küväytka yul ala. Başqa berniçä il belän dä êşlibez," — dide.

İran kürşelärenä qarşı qullanğan pilotsız oçqıçlarnıñ maqsatlarına turı kiterüen telämäwen assızıqlağan Zelenskiy, Ukrainanıñ bu xärbi belgeçlärne "AQŞnı ta kertep, partnyerlarıbıznıñ taläbe buyınça" cibärüen belderde.

Ukraina liderı: "Asılda bu - AQŞqa täqdim itelgän häm bergä östendä êşlägän pilotsız oçqıç kileşüeneñ ber öleşe. Barlıq ışanıçlı partnyerlarıbızğa pilotsız oçqıçlar mäs’äläsendäge praktik xezmättäşlektän alıp aldağı saqlanu ittifaqlarına qadär oxşaş kileşülär täqdim itärgä äzer bez," — dide.

İrannıñ pilotsız oçqıçlarınıñ qıybat kritik infrastruktura obyektların "tübän bäyä belän yuq itü" öçen proyektlanuın äytkän Zelenskiy, İrannıñ Rusyägä bolarnı niçek oçırtırğa öyrätüen häm citeşterü texnologiyäsen birüen citkerde.

Zelenskiy: "Rusiyä soñınnan bolarnı qamilläşterde häm xäzer töbäktä qullanılğan İrannıñ 'Şahid' pilotsız oçqıçlarınıñ Rusiyäneñ komponentların üz êçenä aluına qarağan dälillärebez bar," — dide.

Zelenskiy bolay dip däwam itte: "Şunıñ öçen bügen İran tiräsendä bulğan xällär, Rusiyä häm İran arasındagı xezmättäşlek säbäple bezneñ öçen yıraqtağı suğış tügel. Häm bitaraf qalu xaqıbız bar dip ışanmıybız."

Zelenskiy şulay uq, İrannıñ 'Şahid' pilotsız oçqıçınıñ yaqınça 50 meñ dollar buluın, ämma partnyerlarnıñ bu dronnı bärep töşerü öçen ğädättä 4 million dollarlık raketalar yäki xärbi oçqıçlar qullanuın äytte.