Soğud Ğaräbstanı Saqlanu ministrlığı beldergänçä, ilneñ könbatışındağı Ciddä şähärendä AQŞ xärbi-diñgez köçläre belän urtaq künegülär ütkärelde.
Ministrlıqnıñ şimbä kiçendä yasalğan belderüendä, "Blue Defender 26" (Zäñgär yaqlawçı 26) dip atalğan künegülärneñ Ciddädäge “Patşa Faysal” isemendäge diñgez bazasında ütkärelüe äytelde. Alarnıñ niçaqlı däwam itüe açıqlanmadı.
Belderügä kürä bu xärbi künegülärneñ töp maqsatları - urtaq xärbi xezmättäşlekne nığıtu, üzara täcribä urtaqlaşunı täêmin itü.
Ministrlıq mäğlümatlarına kürä, künegülär qısalarında qırlardağı häm taktikalı sŝenariylar tormışqa aşırıldı. Soğud häm AQŞ köçläre yuğarı däräcädäge professionallık häm suğışqa äzerleklären kürsätep, diñgez iminlegen nığıtu öçen bergä êşläw sälätlären arttırdı.
Bu xärbi xezmättäşlek, Riyad häm Vaşington citäkçelekläre ğıynwar ayında Vaşingtonda ütkärgän AQŞ-Soğud investiŝiya forumında AQŞ ilbaşı Donald Tramp beldergänçä saqlanunı da kertep törle ölkälärdä 270 milliard dollarlık kileşülärgä qul quyğan çorğa turı kilä.
