Törkiyä Berläşkän Millätlär Oyışması İminlek şurasınıñ Süriyä däwlät başlığı Äxmät Şara belän êçke êşlär ministrı Änäs Xattabnı sankśiyälär isemlegennän çığaru turındağı qararınnan qanäğat’ qaluın belderde.
Tışqı êşlär ministrlığı süzçese Öncü Käçäli comğa könne yasağan belderüendä bolay dide:
“BMO İminlek şurasınıñ Süriyä ilbaşı Äxmät Şara häm êçke êşlär ministrı Änäs Xattabnı 2799 (2025) nomerlı sankśiyälär isemlegennän çığaru turındağı qararın xuplıybız”.
Käçäli bolay dip däwam itte:
“Sankśiyälärne tulısınça beterügä, Süriyäne xalıqara cämäğat’çelekkä integraśiyäläwgä häm ildä daimi totrıqlılıq belän üseş urnaştırunı täêmin itügä yünälgän bu häm moña oxşaş adımnarnı xuplawnı däwam itäçäkbez”.
BMO İminlek şurası pänceşämbe könne Süriyä däwlät başlığı Äxmät Şara belän êçke êşlär ministrı Änäs Xattabnı sankśiyälär isemlegennän çığaru öçen äzerlängän proyektnı qabul itte.
AQŞ tarafınnan äzerlängän proyekt 14 uñay tawış aldı, Qıtay isä bitaraf qaldı.
2024 yılnıñ 8 dekabrendä Bäşar Äsädne bärep töşergän rejimğa qarşı köçlär citäkçese Äxmät Şara ğıynwar axırında küçeş çorı ilbaşı itep iğ’lan itelde.
Şara ilne yañadan tözü häm totrıqlılıq urnaştıru wäğ’däsen birde.
