İran İnqıylabı saqçıları, AQŞ ilbaşı Donald Tramp bäreleşneñ tizdän tämamlanırga mömkinlegen äytkännän soñ, Yaqın Könçığışta "sugışnıñ axırın üzläreneñ bilgeläyäçägen" belderde.

Sişämbe könne yasağan belderüdä alar: 'Sugışnıñ axırın bilgeläyäçäk zat bez,' dip äytte. Anda, şulay uq: “Töbäkneñ balansı häm kiläçäk statusı inde bezneñ qoralı köçlärebez qulında, Amerika köçläre sugışnı tämamlamayaçaq,' - digän süzlär urın ala.

Bu süzlär, Trampnıñ Yaqın Könçığıştagı sugışnıñ tizdän tämamlanırga mömkinlege turındağı belderülärennän soñ äytelde. İran däwlät mediası tapşırgan ayırım belderüdä İnqıylab saqçıları, AQŞ belän İzrail höcümnäre däwam itsä, Tährannıñ töbäktän neft' êksportına röxsät birmäyäçäge turında kisätü yasadı.

Kiyerenkelekne arttıruçı süzlär

Tramp, şulay uq, Tährannıñ Ormuz buğazınnan ütüçe neft' taşuçılarnı tuqtatırğa tırışuı oçragında İranğa tagın da qatıraq cawap birü belän yanadı häm, buğazdagı neft' ağımın kirtäläyäçäk adımnar yasalsa, İrannıñ ülem, ut häm açu belän oçraşaçağın belderde.

İkençe yaqtan, İnqıylab saqçıları töbäktä AQŞnıñ 10 radar sistemasın häm küp kenä qıymmätle keşesez hawa apparatların yuq itülären citkerde.

Alar Trampnıñ, İrannıñ xärbi köçen zäğıyflätü turında yalğan taratıp, xalıq arasında yalgış fiker tudırırğa häm sugış arqasında başlanğan basımnı beterergä tırışuın assızıqladı.