İndoneziya räsmi zatları Üzäk Yavanıñ ike töbägendä  bulğan ike ayrım cir ubıluı  näticäsendä kim digändä  18 keşeneñ ğomere özelüen, 33 keşeneñ yuğaluın belderde.
Cirle “Kompas TV” kanalı xäbär itüençä, Üzäk Yava provinśiyäseneñ Çilakap şähärendä bulğan cir şuışu faciğasında ülüçelär sanı 16 ğa citkän.  

Êzläw-qotqaru missiyäse koordinatorı Möxämmäd Abdullah düşämbe könne tağın 3 mäyet tabıluın, 7 keşeneñ isä yuğalğan buluın belderde.

Cirle afätlr belän idarä itü agentlığı başlığı şulay uq Üzäk Yavanıñ Banjarnegara rayonında şimbe könne küzätelgän cir şuışuda 2 mäyet tabıluın   häm 26 keşeneñ tufraq astında qaluı farazlana dip belderde.

Oktyabr’dän martqa qadär küzätelgän sezonlı köçle yañğırlar İndoneziyädä yış qına su basularğa häm cir şuışularğa kiterä.  

Ğıynwar ayında Üzäk Yava provinśiyäsendä köçle yañğırlardan soñ barlıqqa kilgän cir şuışularda 20 dän artıq keşe hälaq bulğan.