“Suğış başlanğannan birle İzrail 3400 maqsatqa 6000nän artıq hawa höcüme başqardı”
İzrail räsmi zatı höcümnärneñ İrandağı xärbi ob’yektlarğa häm raketa infrastrukturasına yünältelgän buluın äytte.
İzrailneñ yuğarı däräcädäge wäqalätlese beldergänçä, İzrail 28 fevral'dä AQŞ belän höcümnären başlağannan birle İran êçendäge yaqınça 3400 maqsatqa 6000nän artıq hawa höcüme oyıştırğan.
Räsmi zat “The Washington Post” gazetına birgän inter’vyusında İzrail höcümnäreneñ İrannıñ raketa mömkinlekläre belän bäyle xärbi qorılmalar häm infrastrukturanı da kertep, küp sanda urınnarğa yünältelgän buluın , monnan tış iminlekkä qurqınıç tudıra torğan başqa töbäklärne dä utqa totuın äytkän.
Ul xärbi operaśiyälärneñ İrannıñ xärbi köçen kimetüne häm İzrailgä qarşı raketa sistemaları êşläwenä yäki urnaştıruına qomaçawlawğa yünältelgän kiñqırlı xäräkätneñ ber öleşe buluın assızıqladı.
İran isä höcümnärgä İzrail êçendäge maqsatlarğa raketalar häm pilotsız oçu apparatları cibärep cawap qaytaruın; şulay uq töbäktä AQŞ häm İzrail belän bäyle dip tapqan xärbi mänfäğat’lärgä dä höcüm itüen belderde.