Peskov sişämbe könne Mäskäwdä uzdırğan matbuğat oçraşuında Ukraina söyläşülärendä qatnaşqan barlıq yaqlarnıñ İstanbulnı söyläşülär öçen uñay platforma dip xuplawın, şuña kürä söyläşülärneñ monda däwam itä aluın belderde.

Peskov bolay dip östäde:
“Älbättä, İstanbul variantı bar häm barlıq yaqlar da moña bik uñay qarıy”.

Ul şulay uq Berläşkän Ğaräp Ämirlekläre citäkçelegenä aldağı söyläşülärne oyıştıruğa yärdäm itkäne häm tudırılğan atmosfera öçen räxmät belderde.

Kreml’ süzçese bolay dide:
“Älbättä barısı da bu öçyaqlı söyläşülär öçen Berläşkän Ğäräp Ämirlekläre wäqälätleläre tarafınnan tudırılğan atmosferanı bik yuğarı bäyäli häm söyläşü prośessın oyıştıruğa kürsätkän yärdämnäre öçen alarğa räxmätle”.

Peskov, Rusiyädäge internet özekleklärenä dä tuqtalıp, iminlekne täêmin itü öçen kiräk bulğan qädär waqıt özekleklärneñ  däwam itäçägen äytte.