Süriyä ilbaşı Amerika Quşma Ştatlarında
Äxmät Şara AQŞ liderı Donald Tramp belän küreşäçäk
Süriyä ilbaşı Amerika Quşma Ştatlarında / Reuters
“SANA” agentlığı beldergänçä Süriyä ilbaşı Äxmät äl-Şara räsmi oçraşular öçen AQŞqa kitte.
Agentlık äytüençä äl‑Şara 6 noyabrdä Braziliyadä uzgan COP30 klimat sammitında qatnaşqannan soñ şimbä könne AQŞqa yul tottı.
Süriyä liderınıñ 10 noyabrdä Aq Yortta AQŞ ilbaşı Donald Tramp belän oçraşuı kötelä.
Bu säfär Vaşington citäkçelege anı terrorçılıq isemlegennän çığarğannan ber könnän soñ çınğa aşırıldı.
Däwlät departamentı süzçese Tommi Pigott Süriyä xökümäteneñ AQŞ taläplären cirenä citkerüen belderep: “Bu adımnar 50 yıldan artıq däwam itkän Bäşar Äsad rejimı basımnarınnan soñ Süriyä citäkçelege kürsätkän alğarışnı tanu bularaq yasala,” - dide.