Xalıqara atom ênergiyäse agentlığı (UAEA) Ğomum direktorı, tulı küzätüneñ yañadan täêmin itelüe öçen tağın da kübräk xezmättäşlekkä çaqırıp, Berläşkän Millätlär Oyışması atom agentlığı inspektorlarınıñ İranğa iyün ayında oyıştırılğan höcümnärdän täêsirlänmägän qorılmalarda tikşerü ütkärüen belderde.
Ğomum direktor Rafael Grossi çärşämbe irtäsendä ütkärelgän UAEA İdarä şurası cıyılışında oyışmanıñ dönya külämendä atom-töş qurqınıçsızlığı, iminlek häm çaralarnı däwam itterü öçen alıp barılğan tırışular turında mäğlümat birelüen äytep: “İnspektorlarıbız İranğa kire qayttı häm iyündäge höcümnärdän zıyan kürmägän qorılmalarda tikşerü ütkärde, fäqät tulı tikşerüneñ yañadan täêmin itelüe öçen tağın da kübräk xezmättäşlek zarur”, - dip belderde.
Tähran belän daimi êlemtädä buluların iskärtep uzuçı Grossi ğadäti tikşerü êşçänlegenä “tulısınça qaytu” öçen êşlärgä däwam itülären belderde.
Ukrainadağı wazğiyätkä dä tuqtalıp uzuçı Ğomum direktör Dniprovska häm Ferosplavna ênergiyä liniyälärendäge soñğı tözekländerülärneñ Zaporojye atom êlektrostanśiyäsenä çittän täêmin itelgän êlektrnıñ özelüeneñ ber aylıq aradan soñ betüenä iğtibarnı yünältep: “UAEA härwaqıttağıça belem häm xezmättäşlek äydäp baruçanlığında härkem faydasına näticälär birüen däwam itä”, - dip äytte.
