AQŞ ilbaşı Donald Tramp dönyanıñ ike iñ zur iqtisadı bulğan Amerika belän Qıtay säwdä suğışı tiränäyü säbäple kiyerenke xälgä kilgän mönäsäbätlärne cayğa salırğa omtılğan waqıtta Qıtay liderı Si Cinpiñne bu yılnıñ axırında Aq yortta qabul itäçägen äytte.
Tramp bu xaqta “NBC News” kanalına birgän intervyusında citkerde. Ul Si belän säwdä, Tayvan, Ukraina konfliktı häm İran mäs’äläläre buyınça telefon söyläşüe ütkärde.
Tramp aprel ayında Qıtayğa barır dip kötelä, ä Sinıñ AQŞqa säfäre yıl axırında planlaştırıla.
“İskitkeç”
Aq yort Pekin citäkçelege belän säwdä mäs'äläsendä soñgı tapqır uzgan yaz aylarında çıqqan kiyerenkelektän soñ kiñ qırlı utnı tuqtatu kileşüen tözede.
Şul arada Tramp Si belän ütkärgän söyläşüneñ iskitkeç buluın häm bu räweşle däwam itüneñ ni qadär möhim ikänlegen ikeseneñ dä añlawın äytte.
AQŞ comğa könne atom-töş qorallarğa yaña çikläwlär kertü öçen Rusiyä häm Qıtay belän öç yaqlı söyläşülär ütkärergä çaqırdı. Läkin Pekin bu êtapta qoralsızlanu söyläşülärendä qatnaşudan baş tarttı.
