Milli İminlek şurası Törkiyä ilbaşı Räcäp Täyyip Ärdoğan räislegendä bıyıl öçençe tapqır tığız kön tärtibe belän cıyıla.
Beştäpädä uzaçaq utırışnıñ iñ möhim teması — AQŞ belän İran arasındağı tınıçlıq kileşüe.
28 fevral'dä suğış başlanğannan birle daimi tınıçlıq urnaştıru öçen diplomatik tırışlıqların däwam itkän Änkara Yaqın Könçığıştağı waqiğalarnı yaqınnan küzätep bara.
Milli İminlek şurası cıyılışında Vaşington belän Tähran arasında ireşelgän kileşüneñ tulısınça ütälüe häm söyläşülär barışınıñ uñışlı tämamlanıuı öçen başqarılaçaq êşçänleklär qaralaçaq.
AQŞ–İran kileşüe xaqında provokaśion belderülär yasağan İzrailneñ Fälästin häm Livanğa qarşı höcümnäre dä söyläşeläçäk.
Könçığış Urta diñgez töbägendäge, ayıruça Kiprdağı provokaśiyälär dä kön tärtibendä bulaçaq.
Cıyılışta Törkiyäneñ häm Kipr törekläreneñ xoquqları belän mänfäğätlären saqlaw öçen küreläçäk çaralar da qaralaçaq.
Terrorsız Törkiyä maqsatı da - şuranıñ kön tärtibendä.
Şulay uq Süriyä häm Ğiraqtağı waqiğalar da qaralaçaq.
Rusiya–Ukraina suğışı häm 7–8 iyüldä uzaçaq NATO sammitına äzerlek mäs’äläläreneñ dä qaraluı kötelä.
