Amerika Quşma Ştatları häm Hindstan Hind-Tın okeanı töbägendä xärbi xezmättäşlekne arttıru häm regional qurqınıçsızlıqnı nığıtu maqsatınnan çığıp 10 yıllıq Saqlanu qısa kileşüenä qul quydı.
AQŞ Saqlanu ministrı Pete Hegseth häm Hindstan Saqlanu ministrı Rajnath Singh bu kileşüne comğa könne Malayziyäneñ Kuala Lumpur şähärendä oyıştırılğan urtaq matbuğat oçraşuında iğlan itte.
Bu kileşü Waşingtonnıñ Hind-Tın okeanı töbägenä qağılışlı ozaq waqıtlı yöklämäse qısalarında Qıtaynıñ xärbi kiñäyüe häm regional yoğıntısı arqasında artqan kiyerenkeleklär nisbätennän tözelde.
Kileşüne “däğwaçıl” dip bäyäläwçe Hegseth monıñ ike ğaskär arasındağı koordinaśiyäne arttıraçağın belderde häm: “Bu ike armiyabız öçen möhim adım. Tağın da tirän häm mäğnäle xezmättäşlek öçen yul kartası”, - dip äytte häm çäçäk atuçı Hind-Tın okeanı töbägenä qağılışlı urtaq yöklämäne çağıldıruın iskärtep uzdı.
Hegseth Waşington häm Yaña Dähli arasındağı urtaqlıqnıñ “ikeyaqlı ışanıç häm urtaq mänfäğätlär” nigezendä tözelüenä basım yasadı.
AQŞ Saqlanu ministrı monnan tış soñğı saqlanu kileşüeneñ: “Amerikanıñ urtaq iminlegenä häm Hindstan belän urtaq vizionğa qağılışlı ozaq waqıtlı tuğrılığın” nığıtuın belderde.
“Yaña säxifä”
Saqlanu ministrı Rajnath Singh kileşüne qanäğätlelek belän qarşıladı häm ike il arasındağı strategik ahäñneñ arta baruına häm töbäktäge tınıçlıqnı häm qurqınıçsızlıqnı saqlaw täwäkkällegenä basım yasadı.
Singh: “Öç tapqır telefonnan söyläştek. Sezne şäxsän kürüemä şatmın. Bu uñaydan Saqlanu qısa kileşüenä imza salınuı belän bügen yaña säxifäneñ açılacağın xis itam. Sezneñ liderlik astında Hindstan-AQŞ mönäsäbätläreneñ tağın da köçäyäçägenä ışanam”, - dip äytte.
Hindstan häm AQŞ arasındağı saqlanu kileşüe belän bäyle bularaq Hindstan Başministrı Narendra Modineñ Waşingtonğa yasağan säfäre häm Aq Yortta AQŞ İlbaşı Donald Tramp belän ütkärgän söyläşüe waqıtında qararğa kilengän ide.
Här ike lider da fevral ayınıñ urtasında iqtisad häm saqlanu ölkälärendä ikeyaqlı mönäsäbätlärne nığıtu yöklämäsen kürsätü öçen adımnar yasadı. Fäqät Ukrainadağı suğış häm Yaña Dählineñ Rusiyädän neft häm saqlanu caylanmaların satıp aluı Yaña Dähli-Waşington mönäsäbätlären kiyerenkeländerde.
Qısa kileşüeneñ ike il arasında saqlanu tovarları belän xezmätläreneñ tağın da ciñel alınuına mömkinlek tudıruı, täêmin itü barışların tağın da näticäle itüe, amerikan häm hind köçläre arasında tağın da yaxşıraq üzara êşläw mömkinlegen täqdim itüe kötelä.
