Qıtay astronavtları törkeme ğaläm korabları keçkenä qaldıq kisäge belän bäreleşü arqasında Cirgä qaytuların kiçekterergä mäcbür buldı.

“CCTV” däwlät televideniyese xäbär itkänçä, başta çärşämbe könne dip planlaştırılğan qaytu waqıtı bilgesez datağa küçerelgän. Bu xaqta başqa mäğ’lümat birelmägän.

“Şençjou-20” missiyäse qısalarında aprel ayında “Tyan’gun” ğaläm stanśiyäsenä oçqan 3 astronavt 6 aylıq wazıyfaların tämamlarğa cıyına ide. Êkipaj sostavında lider Çen Don, pilot Çen Çjunruy häm injener Van Śze bar.

 “Şençjou-21” missiyäsen bu 3 astronavttan qabul itep alaçaq êkipaj şimbä könne kosmik stanśiyägä uñışlı totaşqan.