Törkiyä ênergetika häm tabiği çığanaqlar ministrı Alparslan Bayraktar beldergänçä, Ğiraq-Törkiyä ütkärgeçennän neft qudırıluı cirle waqıt belän säğät 07:07dä (0407GMT) şimbä könne yañadan başlandı.
Ministr Bayraktar 2023nçe yılnıñ 6nçı fevral cirteträwlärennän birle yabıq bulğan ütkärgeçneñ Törkiyäneñ BOTAŞ ütkärgeçlär däwlät kompaniyası tarafınnan oktyabr ayında yañadan êşçänlekkä äzer xälgä kiterüen belderde. Bu belderüne ministr Törkiyäneñ “NSosyal” isemle sośial media platforması aşa yasadı.
Ğiraqnıñ “INA” räsmi xäbär agentlığı da şimbä könne Ğiraqnıñ tönyağındağı Körd regional citäkçelege (IKBY) cirlegennän neft êksportınıñ qabat başlanuın citkerde.
Üzäge Ärbildä urnaşqan “Rudaw TV” Fishkhabur neft mäydanında neft êksportınıñ Ğiraq körd regional citäkçelege wäkillege, Ğiraq üzäk xökümäte häm neft şirkätläreneñ qatnaşuında yañadan başlanuın belderde.
Atnakiçen (pänceşämbe könne) Ğiraq Başministrı Möxämmäd Şiya äs-Sudani Ğiraq körd regional citäkçelege töbägendäge mäydannarda êşläp çığarılğan neftneñ Ğiraq-Törkiyä ütkärgeçennän êksportlanaçağın belderde.
Äs-Sudani “X" sośial media platformasınnan yasağan belderüendä: “Bügen bez tarixi kileşügä ireştek, bu kileşü nigezendä Ğiraq Kördistan töbägendäge mäydannardan êşläp çığarılğan êşkärtelmägän neftne Federal neft ministrlığı qabul itep Ğiraq-Törkiyä ütkärgeçennän êksportlayaçaq”, - dip äytte.
Ğiraq körd regional citäkçelege moña qadär cirle häm çit il şirkätläre belän neft êksportın başlatu öçen kileşülärgä qul quyıluın häm neft ağımınıñ tiz arada başlatıluı öçen Ğiraq neft ministrlığınıñ qararınıñ kötelüen iğlan itkän ide.
