Paqıstan Qorallı Köçläre yäkşämbe könne yasağan belderüdä äytelgänçä, ilneñ tön’yaq-könbatışında urnaşqan Xayber - Paxtunxva provinśiyäsendä Äfğanstan çigenä yaqın cirlektä bulğan bäreleşlärdä 5 Paqıstan ğaskäre hälaq bulğan, 25 terrorçı üterelgän.
Belderüdä comğa häm şimbä könnärendä Paqıstan–Äfğanstan çigenä yaqın urnaşqan Tön’yaq Väziristan häm Kurram töbäklärendä ike zur terrorçı törkemneñ buluı bilgelänüe häm alarnıñ iminlek köçläre tarafınnan täêsirsez xälgä kiterelüe citkerelgän.
Tön’yaq Väziristan töbägendä aralarında 4 intixar bombaçısı da bulğan 15 terrorçı üterelgän, Kurram töbägendä isä çikne ütep kerergä tırışqan 10 terrorçı täêsirsez xälgä kiterelgän.
Bäreleşlär waqıtında 5 Paqıstan ğaskäriyeneñ dä ğomere özelgän.
Monıñ belän bergä, üterelgän terrorçılardan küp sanda qoral, suğış kiräk - yaraqları häm şartlatqıçlar qulğa töşerelgän.
