Törkiyäneñ saqlanu ölkäsendäge zur şirkäte “Aselsan” düşämbe könne Aziya–Tın okean töbägendä êşli torğan ber klient belän 171 million dollar külämendä xalıqara säwdä kileşüe imzalawın belderde.
Kileşügä kommunikatsiya sistemaları häm keşesez su öste apparatları öçen daydalı yöklär êksportlaw kerä, diyelä Törkiyä cämäğatçelekkä açıqlaw platformasında (KAP) urın alğan belderüdä. Kliyentnıñ iseme açıqlanmadı.
“Aselsan”nıñ töp ofisı Törkiyä başqalası Änkarada urnaşqan. Aña 1975 yılda nigez salınğan häm ildäge iñ zur saqlanu kompaniyälärennän berse sanala, dönyada üz tarmağında iñ yaxşı 50 şirkät arasında urın ala.
“Defence News Top 100” isemlegendä 42nçe urında bulgan “Aselsan”nıñ maqsatı — östämä bäyäse yuğarı êksportnı kiñäytep berençe 30ğa kerü.
“Aselsan” 2025 yılda törle kontraktlar imzaladı. Küptän tügel çığarılğan tuğız aylıq finans kürsätkeçlärenä kürä, xalıqara säwdä näticäsendä 1,4 milliard dollar külämendä zakaz barlıqqa kilde.
