Süriyä xökümäte, AQŞ yaqınça 10 yıldan soñ çigengännän soñ, Ğıyraq belän Yordaniya çikläre kiseşkän urında urnaşqan strategik Äl-Tanf bazasınıñ kontrolen üz qulına aldı.
Süriyä xökümäte çığanaqları çärşämbe könne “Anadolu” agentlığına yasağan belderüdä Süriyä armiyäseneñ bazanı üz kontrolenä aluın häm anda urnaşuın citkerde.
AQŞ köçläre Yordaniya belän Süriyä çigendäge demilitarizaśiyälängän töbäkkä yaqın urnaşqan häm Äl-Tanftan 22 kilometr yıraqlıqtağı Tower 22 bazasına kitkän.
Äl-Tanfta qayçandır yaqınça 200 AQŞ ğaskäriye urnaşqan dip äytelsä dä, Tower 22 dä wazıyfa başqaruçı AQŞ personalı sanı turında raslanğan mäğ’lümat yuq.
AQŞ 2017 häm 2018 yıllarda kiñäytelgän Äl-Tanf bazasın häm anda urnaştırılğan küzätü şarların Yordaniya çigennän Färat yılğasına qadär yözlägän kilometrğa suzılğan liniyädäge İran yaqlawındağı törkemnärneñ häm “DEAŞ” terror oyışmasınıñ xärbi eşçänlegen küzätü öçen qullanğan ide.
