Xalıqara atom ênergiyäse agentlığı (MAGATÊ) citäkçese Rafaêl Grossi çarşämbe könne AQŞ häm İrannıñ bu atna axırında İslamabadta (Paqıstan) söyläşülär ütkäräçägen häm söyläşülärneñ kiñräk qolaçlı bulaçağın äytte.
İtaliyanıñ “Corriere della Sera” gazetına birgän interv’yusında Grossi söyläşülärdä raketalar, İran yaqlı xärbi köçlär häm Tähran öçen qurqınıçsızlıq garantiyäläre qaralaçaq dip kötelä dide. "Bu yulı östäldä, şulay uq, raketalar, İslam cömhüriyäte belän berläşkän xärbi köçlär häm İran öçen qurqınıçsızlıq garantiyäläre dä bulaçaq", - dide ul.
Şul uq waqıtta, Paqıstan çığanaqları “Anadolu agentlığı”na İran-AQŞ söyläşülärendä 48 säğat êçendä alğarış kötülären äytte. Xisapqa qarağanda, Tähran tulı qurqınıçsızlıq garantiyälären häm däwam itüçe konflikt waqıtında kiterelgän zıyan öçen kompensatsiyä taläp itä.
Grossi, xärbi ısullardan kaçarğa kiräklegen tanısa da, waqıtlıça cişeleş mömkinlege bulunı citkerde. Grossi: "Säyäsi häm xärbi şartlar häm ışanıç citmäw arqasında, bu êtapta (uran) bayıtunı buldırmıy torğan alternativ diplomatik plannar bar" -dide.
AQŞ häm İzrail 28 fevraldän birle İranğa qarşı hawa höcümnäre yasıy, älegä qadar anda 1340tan artıq keşe häläq buldı, şul isäptän, İrannıñ Yuğarı Liderı Ali Xamenei da.
