Bolgariya başqalası Sofiyädä oçraşular ütkärgän Törkiyä tışqı êşlär ministrı Xaqan Fidan wazıyfadaşı Velislava Petrova-Çamova belän oyıştırılğan matbuğat oçraşuında İran belän AQŞ arasındağı söyläşülärgä dä tuqtaldı. Ministr kileşügä ireşeläçäk digän ışanıç kiñ taraluın belderde.
Fidan yaqlar belän daimi êlemtädä toruların, ämma ike kön êlek başlanğan üzara höcümnärneñ kiyerenkelekne tağın da köçäytü qurqınıçı tudıruın belderdep bolay dide:
"Bu bezne çınnan da borçıy. Bez yaqlarğa tiz arada üzara höcümnärne tuqtatırğa häm söyläşülär östälenä qaytırğa, şulay uq axırına yaqınlaşqan tekstnı tämamlarğa kiñäş itäbez. Bezneñ êşçänlegebez häm tırışlıqlarıbız şuşı yünäleştä”.
Fidan suğışnıñ köçäyüe, kiyerenkelekneñ artuı häm qabat tulı masştablı suğış moxitenä qaytunıñ berkemgä dä fayda kitermäwen assızıqladı.
"Niçaqlı awır bulsa da, maqsat söyläşülärne soñğı noqtağa citkerü bulırğa tiyeş. Alar moñı tämamlarga tiyeş. Bez şunı kiñäş itäbez”,- dide Xaqan Fidan.
