Törkiyä İlbaşı Räcäp Tayyip Ärdoğannıñ ozaq waqıttan birle Berläşkän Millätlär Oyışması sistemasına üzgäreşlär kertü çaqıruın yasap qabatlağan şiğarläre bulğan "Dönya biştän zurraq" häm "Tağın da ğädelräk dönya mömkin” süzläre fotosürät belän bergä New-York şähäreneñ üzäk uramnarında häm prospektlarında kürsätelde.
Küp yıllar buyı BMO İminlek Şurası veto xoquqına iyä bulğan biş äğzase – AQŞ, Böyekbritan, Franśiyä, Rusiyä häm Qıtaynıñ çamasız yoğıntığa iyä buluı tänqitläwläre belän oçraştı.
İlbaşı Ärdoğan sişämbe könne BMO Ğomum şurasınıñ (General Assambleyasınıñ) 80nçe utırışında (sessiyäsendä) yasağan çığışında Berläşkän Millätlär Oyışmasınıñ reformağa zarur buluı çaqıruın täqrarladı.
“Tağın da ğädelräk dönya mömkin”
Ärdoğan: “80 yıllığında Berläşkän Millätlär Oyışmasın nigez salınğan çaqtağı ruxına qaytaraçaq adımnarnı yasaw barıbıznıñ da urtaq cawaplılığı. Bez, kem köçle şul xaqlı tügel, xaqlı köçle bulğan tärtip urnaşqanğa xätle “Dönya biştän zurraq” dip äytüebezne däwam itäçäkbez”, - dip belderde.
Törkiyä Däwlät başlığınıñ “Tağın da ğädelräk dönya mömkin” süzläre Times mäydanındağı LED êkrannarında da kürsätelde.
