AQŞ ilbaşı Donald Tramp düşämbe könne “The New York Times” gazetına qarşı 15 milliard dollar külämendä mäxkämä êşe açuın iğlan itte.

“Bügen min nämus häm abruyğa tap töşerüläre öçen15 milliard dollar külämendä mäxkämä êşe başlawım belän ğorurlanam. Bu êş ilebez tarixındağı iñ naçar häm iñ bozıq gazetlardan berse - “The New York Times” gazetına qarşı,” – dip yazdı Tramp üzeneñ “Truth Social” platformasında.

Ul gazetanı Demokratlar partiyäseneñ “tawışı” buluda ğayepläde.

“Min monı xäzergä qadärge iñ zur qanunsız xäyriyä kampaniyäse öleşe dip sanıym. “The New York Times”nıñ Kamala Xarrisnı yaqlawı gazetnıñ aldınğı bitenä urnaştırıldı, bu moñarçı işetelmägän närsä!” – dip belderde ul.

Tramp üze häm berlektäşlärenä qarata “distälärçä yıllar yalğan söyläw ısulı”n qullanuı säbäple gazetnı tänqıytläde.

“The New York Times” miña qarşı yalğan söyläw, tap töşerü häm abruyımnı kimetü belän bik ozak şögıllände, häm bu xäzer tuqtayaçaq!” – dip äytte ul.

Tramp bu mäxkämä êşeneñ Florida ştatında açılacağın belderde.