Çexiyä ilbaşı milliarder Andrey Babişnı yaña xökümät räise itep bilgeläde
Babiş bu ay axırında xökümätne tözep wazıyfasına kereşäçäk.
Çexiyä däwlät başlığı Petr Pavel sişämbe könne telekanalda turı efirda kürsätelgän tantanada populist ANO partiyasınıñ milliarder liderı Andrey Babişnı xökümät räise itep bilgeläde.
3–4 oktyabr' könnärendä uzğan parlament saylawlarında ciñgän Babiş, tulı kabinetın bilgelägännän soñ, bu ay axırında wazıyfasına kereşäçäk häm urta-uñçılardan xökümätne qabul itep alaçaq.
71 yäşendäge Babiş, dürt yıl oppositsiyädä bulgannan soñ, xökümätkä kire qayta. Ul 2014nçe yılnıñ 29nçı ğıynvarınnan 2017nçe yılnıñ 24nçe mayına qadär berençe vitse-premyer häm finans ministrı wazıyfaların başqardı. Ä 2017nçe yılnıñ 6nçı dekabrennän 2021nçe yılnıñ 17nçe dekabrenä qadär Çexiyä xökümäte räise buldı.
Babiş milli byudjettan Ukrainaga xärbi yärdämne kimertergä wäğdä birde häm yaña xökümätneñ dönyadan Ukrainaga zur kalibr atu ammunitsiyasen täêmin itüçe Çexiya citäkçelegendäge initsiativasın tuqtatırğa uylawın belderde.