Awrupa Berlege Komissiyäse başlığı Ursula von der Leyen, Awrupa Berlege Şurası başlığı Antonio Costa häm Qazaqstan İlbaşı Qasıym-Comart Toqayevnıñ Bryusseldä ütkärgän söyläşülärdän soñ taraflar arasında strategik urtaqlıqnı nığıtuğa yünälgän qararlar turında urtaq belderge basıldı.
Awrupa Berlege belän Qazaqstan arasında qul quyılğan Gorizontal aviaśiya kileşüeneñ hawa bäyläneşlären nığıtaçağı häm Awrupa hawa yulı şirkätlärenä yaña säwdä forsatların täqdim itäçäge iskärtelep uzılğan beldergedä kileşü qısalarında Qazaqstan belän hawa transportı kileşüenä iyä bulğan Awrupa Berlegeneñ 17 äğzase arasında Awrupa Berlegeneñ böten hawa yulı şirkätläreneñ oçış başqara aluı mömkinlegeneñ barlıqqa kilüenä basım yasaldı.
Beldergedä Awrupa rekonstrukśiyä häm üseş bankı (EBRD) belän Qazaqstan xökümäteneñ Astanada möhim çimal öçen xalıqara akkreditaśiyälängän ximik analiz laboratoriyäsen buldırunıñ texnik-iqtisadi nigezlämäsen xuplaw öçen üzara añlaşu memorandumına qul quyıluı turında äytelde.
Awrupa Berlegeneñ möhim çimal ölkäsendäge xezmättäşlekne tiränäytüne maqsat itep aluına işarät itelgän beldergedä şuşı laboratoriyäneñ sıyfat häm qurqınıçsızlıq sınawların xalıqara standartlarğa turı kiterep ütkäreläçägenä öleş kertäçäge bilgeläp ütelde.
Beldergedä Awrupa Berlege Komissiyäse belän Qazaqstan arasında alıp barılğan Viza ciñellege kileşüe häm Kire qabul itü kileşüe söyläşüläreneñ uñışlı tögällänüe, kileşülär ğamälgä kergän çaqta Qazaqstan watandaşlarınıñ qısqa waqıtlı AB vizaları öçen möräcäğät itü barışınıñ ciñeläyäçäge, Kire qabul itü kileşüeneñ isä Awrupa Berlegeneñ migraśiyä qağidäläreneñ ütälüenä bulışlıq itäçäge citkerelde.
